Vawlei kan nunchung ah hin pa pahnih lawng kan um a si ahcun zaan ih tik ah hnulei kan i chit ah hin thaizing lai lawng kan i ngeih ko.Asinain Nu le Pa kan ihtti ahcun thaizing lai hi zenh a um tuk hrunghran.Tlangval zaapi hna nih nupi tthit laiah khuacaan hmuitinh mi cu Busik thla hi a si.Pa hna nih nu kan herh ning hi Pathian nih a rak kan timhpiak mi hrimhrim a si.Nu lo hin cun pa pawl hi cu kan tlamtling kho hrimhrim lo.Cucu nu hna nih kan hngalh hrimhrim ding mi le kan lungchung ah kan i cinken peng dingmi a si. Bianabia ah mibu in rian kan ttuan tikah nu an umlo a si ahcun papawl hi kan tha a tlung kho bak lo.Cucu papawl kan derthawmnak a nganbik mi a si ve.Sihmanhsehlaw kan duhmi hna kan pawngte an um a si ahcun rianttuan hmanh thlohkhawh kan si tawnlo.Ai duhmi nungak tlangval hna a ho theihlo Mitsir thlite van i ton le bang ahcun thinlung hi khuatur(vaanzaa ri) bang a tur thawng hi pawngkam theih khawh tiangin a tur tawn.Cuve bantuk cun nu hna hi papawl locun an celh ve nemmam lo.Kai telloh ti phun tein daite um i a tuartu cem cu an mah hi an si ko.Pa pawl cu kan i thup lo i nu pakhat kan dawt a si ahcun duhnak bia kan phuan colh tawn.Valdang ttang pom lai kan siang hrim hna lo.Lehnak biabkan hal tik hna ah "um ta rih law kai ruat ta la"tihi nu zaapi hna nih kan hmanmi a si.Hiti ka ti tikah "um tarih"ti cu a tthalo ka tinak a silo i a tuartu cu nu hi kan si ko.Pa pakhat kan uar tuk/kan duhdawt tuk ko nain a phuang ngam lomi hi nupawl kan si ko.Asinain a tuchan nupawl cu kan i let telam cang hna i kan i suum bak ti hna lo.An phuan cio kan phuan coi.An i kup cio kan i zal ve cio cang hna.Kan tuanbia van ruah tthan ah hin cun chan tiluan kan dawi ti khi si ko.Hi thil vialte hi dawtnak ruangah a rak chuakmi lawng te an si.Cu ruangah cun dawtnak kan timi ah pakhat le pakhat kan i peekchanh hi a herh tuk hringhran ko.Dawtu theilo dawtmi si lai cu zaangfak kan si pinah na cel va bo seh ti khi kan phu ko.Dawtu tamngeih hi vawlei cung kan nunchung ah a herh taktak mi a si.
2.CHUNGKHAR AH DAWNAK NICEU
Kan nu le kan pa hna le kan u le kan nau hna,kan hawi le vialte hna nih chungkhar an ser ning cio hi an i dang dih.Pakhat hmanh an i lo hna lo.Chungkhar ser tik zongah duhning paoh in serkhawh a si fawnlo.Bianabia ah pa pakhat nih nu pakhat kha"khah nang cu ka nupi na si lai"tiah a celkingh in a duh a thim kholo.Cuticun thimseh law nu ni a pomhnak ah a vei a ttet dih nem lai.Cu silo ah namte,thingten,feikawl,meithal tbk. hna i ken in tthih pheih seh law nu nih cun thihnak cha cun kan duhdawt ve ko ti hmanh ai thim deoh hnga dek maw?Ai dang cio mi chungkhar serkong cu um rih seh.Muihnak ah ceu kan herh bantuk in chungkhar ah dawtnak timi hi a rak herh tuk ve.Nu le Pa cheukhat hna cu chungkhar kan ser ko nain a herh bikmi dawtnak hi kan philh ttheu tawn.Fa ngeih hnu zongah fa le caah ruat loin vaadang fenhtaak tbk.Nuu duhtaak hna kan hmang tawn.Laimi cheukhat cu kan i tthen a si ahcun fa le an upat tikah zeitin an tuar lai ti ruat loin nu le vaa i then lengmang,khua i teh taak lengmang hi kan hmang.Nungak tlanval lio vial ahcun nangmah lawng nangmanh lawng,zungzal caah ti ttung.Laimi kan zia ah cang hram hlah seh.Chungkhar kan timi hi a biapi tuk.Kan BIBLE hmanh nih"nan nih cu pumkhat nan si cang"a kan ti.Zeiruangah dah chungkhar ah hin dawtnak a len lo?Nupi pakhat a simi nih cun innlei rian pinah an pa kha rian in a rak lawi tik ah"khah kan pa na cei tuk sual la,na lawi a tlai pah ttung le tii ka rak in lum piak hi awh,nai kholh lai mu"ti hna kan hmang lo cuh."Kan nu ka rak lawi cang ne hi teh"ti zongah "ka theih ko cuh...na duh ning paoh khan rak um ve koh..kai manh rih lo hih...cu ee kha ee"ti hna kan hmang cuh."Aw...kan pa na rak lawi cang maw?Van i din ta rih law nai dinh kar ah rawl kan tuah piak lai awh"tiah awaw nem tein kan ti hna awh a si.Cuti i kan pasal le kan zitmuai hna ahcun nudang cu a kan fanhtaak bal lai lo.Nupi ttha nih cun Pasal le hi kan zohkheh kan tuam mawi i chungkhar ah dawtnak kan ser peng khawh hi a hau.Chungkhar ah cun pasal le hi phaisa a kawltu kan si ko nain nupi le hi pasal le nih phaisa kan kawlkhawhnak dingah thazaang petu,rian ngampi a ngeimi kan si.Cucu nupi a simi hna nih a tak in kan tuahawk le a si lai dingmi hna nih kan rak i cawncia hi a hau.Minung nih khoi ka paoh ah dawtnak hi kan ser khawh a si ah cun nun hnangam nak le pakhat le pakhat cungah dawtnak a um ko lai.
Chungkhar ah pacem a simi pasal le hna zong nih kan nupi le kha kan duh paoh in ka ti hna awk a silo.Inn rian an ttuan tikah an tha a dii ve.Dinh zong an duh ve.Robot(seh minung)an si lo tik ah rian an ttuan manh lo mi le an tuah manh lomi kha kan si khawh tawk cio in bomhchanh kha a herh.A cunglei kan chim cang bang khan nu zong nih pa a kan herh ve.Rian ttuan duhnak thazaang an ngeih khawhnak dingah "heh"tiah a bawmtu le a faktu kan si a hau.Pasal le hna nih kan theih peng awk a simi cu nupi le nih an chumhchuan cia chuanrawl tekha dawtnak tein "Kan nu...Buhchumh na thiam ko ee.Aho hmanh nih na buhchumh cu an tluk lai lo.Na tiihaang so zong a thaw tuk.Na thiam ve si.Ka paw zong a khimkho ti bal lailo"tiah kan nupi le chuanrawl cu kan fak piak awk a si.Cuti kan tiah cun khanak thaw deoh in chumh ai zuam chin lai.Rawlchumh tha zong a nuam ve lai.Asinain Zuu hi laipa tampi le chungkhar tampi a hrawktu a si.Laipa a simi hna nih cun ZUU hi kan nupi le nakhmanh in kan uar deoh hna rua.Micheu le bang cu pa tung pi a si ko nain ZUU A CEEN ti khi kan uar tuk.A phung zong a silo.Chungkhar pacem kan umlo ah a ho nih dah chungkhar a zoh ne lai?Aho nih dah kan dawttuk mi kan nupi le kha a rak daw lai?Nufarual zaangfak tuk an si.Kan lung hi i fim cikcek cang hna usih.Chungkhar ah dawtnak hi ser hramthok cang hna usih.
Vawlei nun cu a har ko.Hmanhseh Pathian nih van a kai hlan ah a zultu hna siah bia a cah ta mi cu "pakhat le pakhat i daw cikcek u"ti kha a si.Caan tampi cu a hartuk vawlei kan ti ko lai nain pakhat le pakhat cungah dawtnak kan ser ah cun Pathian biacah kha kan philh awk a silo.
Kan nu le kan pa hna le kan u le kan nau hna,kan hawi le vialte hna nih chungkhar an ser ning cio hi an i dang dih.Pakhat hmanh an i lo hna lo.Chungkhar ser tik zongah duhning paoh in serkhawh a si fawnlo.Bianabia ah pa pakhat nih nu pakhat kha"khah nang cu ka nupi na si lai"tiah a celkingh in a duh a thim kholo.Cuticun thimseh law nu ni a pomhnak ah a vei a ttet dih nem lai.Cu silo ah namte,thingten,feikawl,meithal tbk. hna i ken in tthih pheih seh law nu nih cun thihnak cha cun kan duhdawt ve ko ti hmanh ai thim deoh hnga dek maw?Ai dang cio mi chungkhar serkong cu um rih seh.Muihnak ah ceu kan herh bantuk in chungkhar ah dawtnak timi hi a rak herh tuk ve.Nu le Pa cheukhat hna cu chungkhar kan ser ko nain a herh bikmi dawtnak hi kan philh ttheu tawn.Fa ngeih hnu zongah fa le caah ruat loin vaadang fenhtaak tbk.Nuu duhtaak hna kan hmang tawn.Laimi cheukhat cu kan i tthen a si ahcun fa le an upat tikah zeitin an tuar lai ti ruat loin nu le vaa i then lengmang,khua i teh taak lengmang hi kan hmang.Nungak tlanval lio vial ahcun nangmah lawng nangmanh lawng,zungzal caah ti ttung.Laimi kan zia ah cang hram hlah seh.Chungkhar kan timi hi a biapi tuk.Kan BIBLE hmanh nih"nan nih cu pumkhat nan si cang"a kan ti.Zeiruangah dah chungkhar ah hin dawtnak a len lo?Nupi pakhat a simi nih cun innlei rian pinah an pa kha rian in a rak lawi tik ah"khah kan pa na cei tuk sual la,na lawi a tlai pah ttung le tii ka rak in lum piak hi awh,nai kholh lai mu"ti hna kan hmang lo cuh."Kan nu ka rak lawi cang ne hi teh"ti zongah "ka theih ko cuh...na duh ning paoh khan rak um ve koh..kai manh rih lo hih...cu ee kha ee"ti hna kan hmang cuh."Aw...kan pa na rak lawi cang maw?Van i din ta rih law nai dinh kar ah rawl kan tuah piak lai awh"tiah awaw nem tein kan ti hna awh a si.Cuti i kan pasal le kan zitmuai hna ahcun nudang cu a kan fanhtaak bal lai lo.Nupi ttha nih cun Pasal le hi kan zohkheh kan tuam mawi i chungkhar ah dawtnak kan ser peng khawh hi a hau.Chungkhar ah cun pasal le hi phaisa a kawltu kan si ko nain nupi le hi pasal le nih phaisa kan kawlkhawhnak dingah thazaang petu,rian ngampi a ngeimi kan si.Cucu nupi a simi hna nih a tak in kan tuahawk le a si lai dingmi hna nih kan rak i cawncia hi a hau.Minung nih khoi ka paoh ah dawtnak hi kan ser khawh a si ah cun nun hnangam nak le pakhat le pakhat cungah dawtnak a um ko lai.
Chungkhar ah pacem a simi pasal le hna zong nih kan nupi le kha kan duh paoh in ka ti hna awk a silo.Inn rian an ttuan tikah an tha a dii ve.Dinh zong an duh ve.Robot(seh minung)an si lo tik ah rian an ttuan manh lo mi le an tuah manh lomi kha kan si khawh tawk cio in bomhchanh kha a herh.A cunglei kan chim cang bang khan nu zong nih pa a kan herh ve.Rian ttuan duhnak thazaang an ngeih khawhnak dingah "heh"tiah a bawmtu le a faktu kan si a hau.Pasal le hna nih kan theih peng awk a simi cu nupi le nih an chumhchuan cia chuanrawl tekha dawtnak tein "Kan nu...Buhchumh na thiam ko ee.Aho hmanh nih na buhchumh cu an tluk lai lo.Na tiihaang so zong a thaw tuk.Na thiam ve si.Ka paw zong a khimkho ti bal lailo"tiah kan nupi le chuanrawl cu kan fak piak awk a si.Cuti kan tiah cun khanak thaw deoh in chumh ai zuam chin lai.Rawlchumh tha zong a nuam ve lai.Asinain Zuu hi laipa tampi le chungkhar tampi a hrawktu a si.Laipa a simi hna nih cun ZUU hi kan nupi le nakhmanh in kan uar deoh hna rua.Micheu le bang cu pa tung pi a si ko nain ZUU A CEEN ti khi kan uar tuk.A phung zong a silo.Chungkhar pacem kan umlo ah a ho nih dah chungkhar a zoh ne lai?Aho nih dah kan dawttuk mi kan nupi le kha a rak daw lai?Nufarual zaangfak tuk an si.Kan lung hi i fim cikcek cang hna usih.Chungkhar ah dawtnak hi ser hramthok cang hna usih.
Vawlei nun cu a har ko.Hmanhseh Pathian nih van a kai hlan ah a zultu hna siah bia a cah ta mi cu "pakhat le pakhat i daw cikcek u"ti kha a si.Caan tampi cu a hartuk vawlei kan ti ko lai nain pakhat le pakhat cungah dawtnak kan ser ah cun Pathian biacah kha kan philh awk a silo.
Salai Loyal Biak Lian
0 comments:
Post a Comment