1. ZUMHNAK
Mi pakhat le pakhat saupi ruant`uan t`i khawhnak ah cun 'zumhnak' hi a hrampi cu a si. Minung kan pawngkam ah siseh, rian kan t`uannak ah siseh, a duhmi nungak tlangval hna caah cun 'zumhnak' hi a um lo ah cun hmailei kal kawh hi a si kho lo mi si. Zumhnak atal loin kan umti ko, rian kan t`uan t`i ko cu teh a ti mi vialte zong khi lenglei (mi hmuhnak) lawng ah a si lai.
2.THEIHTHIAMNAK
Kan zumh ko, sinain minung cu kan sining , kan ruahnak le kan pomning a dang cio.Kan duhnak a dang cio mi kan si hna. Cucaah minung pakhat kan si ning hi kan i theihthiam piak lo, theihthiamnak ding thazang zong kan ngeih lo, theihthiam piak ding zong kan i zuam lo ah cun rian kan t`uannak ah siseh, kan i chawnhbiaknak ah siseh, aduhmi ngaknu tlangval caah cun kan i nuam taktak kho bel la lo. Rialti bang a kikdai zir kho la lo i a linsa peng ko la. Cu ruang ah zumhnak um ko hmanh seh law theihthiamnak a um lo ah cun a tlamtling kho bal lo.
3.UPATNAK
Ka zumh ko, ka theihthiam piak ko. Sinain i upatnak a um lo ah cun minung kan nunnak ah a tlamtling kho t`hiam lo. Kan lung a dai zir kho lo. A zungzal in upatnak va pek ti duhnak zong khi ka chim duhmi a si hlei lo. I upatnak caan te i upat va pek khawh khi ka chim duh mi cu a si. Ngaknu tlangval dir hmuh lio ah cun a theituk lem la lo. Asinain inn chungkhar nunank ah le midang he rian t`uant`inak hmun ah cun i upatnak a um lo ahcun saupi va umt`i le caan saupi riant`uan t`i khawh a si hrimhrim lo. Cu caah inn chungkhar kan ser lai silole pakhat le pakhat caan saupi riant`uan t`inak ah tlamtling seh, lung hnangam seh, nuam tein um sih ti lam ah cun zumhnak, theihthiamnak le upatnak a um hrimhrim a hau ko .
Patrick Hrang Kep
0 comments:
Post a Comment