Cutincun rampi cu a buaipeng ko rih. Nain kum 2010 hnu cun ralkap uknak in zauk phung (Democracy) uknak ah an hungthlen hnu in tlangcung hriamtlai phupawl cu kawl ralkap nih kahdeihnak caah chawnh kan hung si. Zeiruang ah"kan hung si " ti ka hmannak cu kei hi tlangcungmi hriamtlaiphu lakah pakhat a sive mi laimi phun huaptu CNF nih a ka huap ve caah si. Mah kong cu vaza rih ko seh law . Cun Independence kan lak hnu kawlralkap nih uknak an lakhnu hin kum 2010 tiang zauk phung ( Democracy) uknak an thlen tiang, mahkha kaarlak i kawlralkap nih tlangcung hriamtlai phu an chawnhnak kong le an tuanbia cu tial ahcun ka ca a sautuk lai caah kan duhmi hna kheng loin kan bia a pialsual/ a sau lai caah kan tial ti la lo. Kan ca ah van lutthan uh sih law. Kum 2010 hnu in kawl ralkap le tlangcung hriamtlaiphu an hung i chawn i a tu a dongbik an ceih cuahmah mi capuai cung raltuknak (NCA kan ti mi) ah hin an hung tla. NCA cu a t`hatnak tampi lak a chambaunak kan vun char tuah lai. Tlangcung hriamtlai phu hna ah phu lian deoh mi in kan chim ah cun phu 21 an um tiko usih. Cu hriamtlai phu chungah phu 8 lawngnih NCA hnatlaknak minsen an thu. Cu minsen thumi chungah cun laimi aiawh hin hriamtlai phu asi mi CNF zong a tel ve. Cuti a siah zei ruang ah dah phu 13 nih hnatlaknak minsen an thu ve hna lo timi hi ruah awk ngaingai a si. Tlangcung hriamtlaiphu dih lak in kan kalpi mi a lo dih ngawt ko . Mahte uknak/khua khannak le chawva thennak (Federal) kong ah hin kan dirpi ciomi cu a si ko. Cupin ah tlangcung hriamtlaiphu ah ralkap thazang le hriamnan thazang leiah a t`hawng deoh mi kan ti mi hna ah hin phu hnih thum lawngnih NCA hnatlaknak minsen thu mi cu asi. Tlangcung hriamtlaiphu ah phu lian deoh kan timi hna an i tel ti lo . Cu caah ruah awkngai a um mi cu mahhi NCA minsen thutnak ahhin kawl ralkapnih a mah duhmi deoh lawng thimdawh in kan hmuh. Yiah tiah cun a dang tlangcung hriamtlaiphu hna zong Federal uknak ah teh a kalpi vemi an si ko . Tikah mahhi NCA nih hin rampumpi a huap kho taktak lai maw? Ruahawk ngaingai pakhat a si. Cun pakhat President Thin Sin cozah nih kum 5 chung a kan hruai i kahdeihnak cu tuanhlan tehah tuah khawh a si ko mi zeiruang cem ahdah tu ceote lawngah hin biatak tein a kalpi hna ? kawlralkap nih teh zeitluk in dah an kalpi ve ? Kawlralkap nih hna an tlakpi ko ah cun NCA hnatlaknak minsen thu lomi chimlo minsen thumi hna hmanh an kahthan langmang hna?A dang hriamtlai phu zong chawnh t`hanhna i rampumpi huap kho dingin tuahkhawh ding caan hngah khawh hiteh a si lo maw? kan hmuhning ah cun President Thin Sin hi kawlram tuanbia ah minlang pakhat si a duh caah a tuah sawhsawh mi si dawh in kan hmuh.Cun ramkhel riantuannak ah mahhi NCA hi a hman nain a tlamtling rih lo. Fawinak bik kan chimah cun minthat a duh ca i a tuah mi khi si tiko usih. Mi pakhat khi dukpet le thideng in vavuak hnu i kan ti sual ka ngaithiam mu ti he khin ka lawhter. Tuhi cu NCA (capuai cung raltuknak) cu an thawkcang i an i thu cuahmah lio pi cu si. Mah cabuai cung raltuknak ah hin teh a ralaimi cozah ding NLD hi teh zeiah dah an i tel . Raltuknak lutkho lo in a leng zohtu( ramkhel lei ngiathlaitu) men lawngah dawh an si. U Thin Sin cozah chanah cun a lim kho la lo ticu a fiang ngai. Cu caah rampumpi huap ding, a fekmi bia chahnak ah cun a ralaimi Cozah ding NLD zong hi a i tel awk a si ko lo maw? Cu caah rampumpi huap ding cun tlangcungmi hriamtlai vialte hi i tal dih le a ra laimi cozah ding NLD hna zong hi cabuai cung raltuknak ah an luh khawh ve hrimhrim a hau ko.
kei hi mihmai i bia le kaa in chimthiam mi ka si ve lo tikah ca tuhin ka ti khawhtawk in kan chim langmang ve lai. Na rel caah ka lawm.
Good boy writes a verry good article. Thank you
ReplyDelete고마와....형님
Delete