Laimi nih rumnak kan herh ka ti tik ah kan ruahning
he a ral kah khawh mi si. Kan i hlat ngaimi bia a si tik ah kan khuaruah zong a
haarmen la . Kan mawh lo, manbantuk hi kan hmutuk lem lo . Kan mah laimi catial
thiam deoh mi hna zongnih an tial tuk hna lo ca zongah a si kho. Zapi buaktlak
in cun fimthiamnak lei kaam deoh hi kan tial i rumnak ti catlang hi kan i
hlat pah caah khua ruah zong haar phu te kan si ko .
Kan nih laimi kan ruahnak ah
ka uar lo ngai mi pakhat cu mirum deoh poh lunghrinh mitt in kan zoh tawnmi hna
khi si. Zeitin dah an rum, zeitin dah tangka an hmuh tibantuk khi lunghrinh
mitt in kan zoh tawn hna.Cun Pathian zong hi sifak santlai lo dawtu deoh lawng
si tiphun deoh in kalpi riangmang i kan sifah mi hna hi a mah Pathian duh
piakmi hna kan lawh ter. Pathian cu sifak santlai lo dawtu lawng a si naisai
lo, Amah a zummi hna cu a kakip in thawchuah a kan petu kan Pathian si. Rum hi
sualnak a si lo , sifah tu hi sual lam ah tluk awl deoh si. Sifah tuk rawh ah
cun innchung khaar zong a nuam kho lo.Fir duhnak te hna , lih va chim te hna
khi sifah santlaih lo tuk ruang ah a chuak deoh tawn mi si .Laimi phun kan si
fahnak hi ralkap uknak ruang ah a si kan ti tawn. Mah hi bia cu ruah awk ngai
ngai a um . Asi zong a si kho mi si. Nain Myanmar ram chungah hin a sifak bik
miphun kan si .Miphun dang zong ralkap uknak tangah an um ve ko nain kan
mah tluk in an sifah tlung lo .An ram ah lungvaar le thilman sung teh a chuak
cu kan ti men la . An ram chuakmii lungvaar le thilman sung hna khin an mah
minung nih an tawlrel khawh hlei tlung lo .Uktu ralkap nih an tawlrel dih
ko cu . A fawibik cun kan mah nih kan i tim lo caah a si ko .
Minung kan si i kan duh mi nak in kan herh mi hi i thim
deoh ding kan si . "Fimnak le tangka um seh law zeidah na thim la"
a ti tik ah "tangka ka thim la" ti ah a leh hna. "Na hruh
ning hi fimnak pei i thim ding si cu " ti ah a ti tikah Mahatma Gandi nih
cu a thawh i " Minung nih cun kan herh mi hi i thimding asi caah kei cu
fimnak hi ka ngei cang ,cu caah tangka ka thim " ti ah a leh than .Cu
vebantuk in King Solomon zong kha Pathian nih "zei dah na duh, na duh mi
rak ka hal tuah" ati tik ah " kan mi phun hruai khawh nak hnga fimnak
rak ka pe" ti ah a hal. Zei ruang ah dah fimnak cu a ham tiah cun
rumnak le adangdang hna nak in fimnak nih ka miphun ka hruai khawh deoh hna lai
ti a hmuh caah a hreh deoh mi fimnak cu a hamnak a si. Tuchan ah cun Vawilei
cungah hin mifim poh an rum lo nain mirum poh an fim dih deoh .Thazang in
riantuan lawngin Millionaire si khawh a si lo caah fimnak zong cawn hrimhrim ve
hau.
Laimi nih kan lungfim a herh cang micu midang nakin kan
sifah tuk lawmman mihi si."Uknak athlen poh ah cun thanchonak cu a mah
tein a ra te ka la" ti phun kan um peng rih ko ah cun kan duh mi Democracy
lam cung ah sau kan kal kho lai lo .Democracy zong hi athawngmi Economic nih
a hnu in a dir kamh mi uknak phun ti uh sik law kan pelh tuk theng la lo.
Cozah nih tlamtling tein rian a tuan khawh nak hnga a za tawk in ngunkhuai zong
pek a herh ko . Cu ruangah Business le Economic lei ah kan thancho hrimhrim a
hau ko. Kan mah nih tuah kan i timh lo ah cun zeibantuk uknak hmenh ah kal uh
law kan mah bawn peng kan si ko lai, kan thancho kho bel la lo . Rian tuan
zuamnak lungthin kan ngeih leng ah thil tuaktan khawhnak fimthiamnak zong kan
ngeih a herh ko. Cu hnu lawng ah rumnak cu kan ngah khawh ding si.
0 comments:
Post a Comment