Kawlram mahte uhnak Independence kan lak hnu in hruitu cozah cu a i thleng langmang . Ralkap zong nih kumsaupi uknak an lak nain puaibainak pakhat an daihter kho lo mi a um. Mah cu tulio Rakhine ram i a cang cuahmah mi Muslim ralhrang buainak hi a rak si. Mah hi Muslim ralhrang kong hi khahlan cozah ralkap uknak chan le Thine Sine cozah chan vialte ah khan vawileipi nih kawlram uktu hna cu an rak mawh chiah ngai ngai. Nuhrin covo buar le miphun tlau duh in i thahnak nan tuah ti tiang in UN nih an rak ti bal hna.
Cuti a si tikah vawilei cung piah Myanmar cu a min a chia ngaingai. Muslim ralhrang zongnih kawlram cozah hi vawlei pinih mawh phurh hna seh tiin riantuannak an rak ngai ve. Mah cu an riantuannak cu Daw Suh cozah chanhlan ah khan cun hma a rak kal ngaingai .Mah ruangah Rakhine ram buainak hi Myanmar ram chung buainak lawng si loin vawlei pinih a van buaipi ve. Tikah Myanmar cozah cu vawilei pinih a van nam chih lang mang.
Daw Suh cozah a hungkai hnu cun hmuamsam tein a van kherhhlei . Kan mah ram chungbuainak a si ko nain kan mah cozah lawng in kan cawlcangh ah cun a dikmi biakhiahnak in tuah ko hmanh usih law vawilei pinih a ka zum lalo ti a theih tuk cang caah vawileipi nih upat mi Noble prize zong an rak pekmi Kofi Annan cu Rakhine ram buainak ah zohfal tu le ruahnak petu dingah bomh a rak hal. Cun Kofi Annan zong nih a rak cohlan i bomh dingin Myanmar rak ahcun a rak phan. Sinain i Rakhine miphun le Kawl phunttanh pawl nih kan ram chung buainak cu kan rammi nih kan tuah ko lai. Kan ram sining a theih dihtu kan mah hmanhnih kan rak tuah khawh rih lomi cu kan ramsining theilo minih cun zeitin dah a tuahkhawh lai tiin Daw Suh maw an rak mawh chiat. Lam cung zawh in duh lonak tiang an rak langhter.
Daw Suh thiltuahnak ruang ah Rakhine ram um muslim ralhrang cu an cawl kho ti lo. Vawilei pi sin ah tahhnawh an i timh tthan zongah Kofi Annan a um cang i kan sining a kan theih dih cang lai tiin lungdongh in hriamman he a hung chuak cang. Ram ri vengtu buk an luhhnawh hna i ralkap zeimawzat an thah pin ah an hriamnam tamlak an i zampi. Sinain Daw Suh cu a holh rih lo. Kawlram mipi nih Daw Suh le President Htin Kyaw khawi dah an um titiang bia a hung chuak tthan. Daw Suh nih mahhi kan hlethlai rih la i a dikmi result kan hmuh in ram mipi sinah kan in thanh te hna lai a timi bia nih rammipi cu an lung a rawk cang. Ralkap minung tiang thah an tong cang hnu hin ziah a cawl ve lo , Rammipi sin thawng a kan thanh tikah cun myanmar ram diklak Muslim kuttang ah kan um cang lai titiang in nihsawh in bia a chim cang.
Sinain a van hlathlai ciamman i mah hi muslim ralhrang hi zeitin dah aa thawk . Khawika ummi dah an si.? A hruaitu hi mizei dah si? Zeiram nih dah bomhnak an pek hna.? Zeibantuk minung he dah pehthlaihnak an ngei? timipawl cu a nithla , a kum le an min he mipi sinah le vawilei pisin ah fiangtuk in a van phuan . Khahlan UN le vawilei pinih cozah an rak mawhchiat mi cu nihin cu cozah bomh dingin ready an hung si cang. Rakhine ram Muslim ralhrang cu an lam a pit cang . Ramdang zamnak an ngei ti lo. Nichuak Nithlak le chakthlang ram he Daw SUh cozah cu bia a i chawn i ramri cu ttha te in an zoh khenh cio hna. Mah hi mulsim ralhrang cu khawika hmah ah zamnak an ngei ti lo. Zamnak lampakhat balte a um . Mah cu Rakhine ram muslim mipi sin ah an i thuh dah ti lo cun an lam a pit. Rakhine ram um Muslim mipi zong Myanmar cozah le Ralkap bawmin an luthnawh cang hna. Tikah mahhi buainak a dih cun myanmar ram um muslim ralhrang cu a ci a mit cang ko lai.
Tulio zong tlangcung mi kong ah Daw Suh cozah an dai. KIO, KNU le ralkap hna i kahnak ah biaka khat hmanh a chim lo timi zong mipi nih ka ti cuahmah lio pi a si ko. Tlangcung hriamtlai phu zong ahhin zei phu dah ram daihnak an duh zei phu dah an duhlo timi a hlathlai chuahmah lio a si ko lai. A rusult a hungchuak cun mipi nih kan i ruah loning zong a si kho mi si. A reslut zong a thanh zau te ko lai ti ruahnak ka ngei ko. Tikah Daw Suh hruaimi cozah hi kan i bochan ding a si ko.
0 comments:
Post a Comment