Khualumnak ah a chuakmi le khua a raksa mi ka
hngalhnak ah khualum cu kan uar ngaingai. Zeitluk ni a linh zongah vak ah ka
thawh kho. Korea ram kan ti cu zohding le hmunnuam nih tam kaw nungak zong a
tong lomi kan caah cun vak hi a nuam bik ko. Camera ka put i vah ka thawh cang
ahcun zeikhua te ka thei lo .
Korea ram ṭhal nikhua cu a lin dawm ve.Zing ka tho
kholhnak khan lei ka kal . Chun a chuak zong ah kholhnak khan lei ṭhiam .
Zanlei zong zei hlei hlah . Mahtin cun inn ka um caan ahcun khawl le kutke tlaw
hi ka huam ngaingai. Ṭhalcaan ahcun ka sam hmanh a sau manh bal lo. Tule tu ka
riam langmang . Sam riamnak ah ka phaisa zei maw zat cu a chawi diam langmang. Ka pum a thianghlim bik caan cu ṭhal caan hi a
si ko.
A caan hman tein a mer langmang mi suimilam nih a hung
liam langmang ve caah ni le caan hna cu
tlaih awk tha lo in a hung liam langmang ve. Cutikah ka duhbik mi ṭhal nikhua
zong a hung dih ruang mang . Khuasik caan chuah lai cu ka zenh hringhran ko.
Ka duh lo zong ah kham khawh a si lo mi khuasik thla
cu a hung chuak ṭhan. A thlizil kik te nih ka thinlung tiang a hung ka chem. Ka
thi le sa hi a khaal dih hlah maw ti awk ka um. Cu chinchap ah hawrha(Vur) nih
a hung thla chinchap ka tak le puan a ṭhen siang ti lo. Korea ram kih caan cu
kan taksa tiangin a fak dih i khuasik thla ka zenh cu ka mawh ve lo.
Ṭhal caan i khawlhnak khan lei kal ka huam ngaimi cu
khuasik thla nih a chuh diam. Leng chuah i vah cun ka lung hmanh ah a chuak kho
ti lo. Kan hawile cu korea ram khuasik thla a dawhnak paar an tlenh lio ah kei
cu puan tang ah khua ka sat awn. Kholh ṭawl zong ka dai thlang pah.
Hmanthlak: Khuasik caan Vur nih a khuh mi Seoul Tower
Zing sml 8:30 ah hin rian ka awt tawn . Ṭhalcaan
ahcun alarm chiah zong ka hau bal lo . Sinain khuasik thla ahcun alarm hi
vawikhat chiah lawng ka za rua lo minute 5 dan ah vawikhat tiin vawithum tiang
ka chiah tawn . Sinain zeitik hmanh ah ka chiah mi alarm aw hi ka thei bal lo.
Ka hawipa nih “ Sang , I raw na!” tiah a van ka ṭhangh
cu ka theih . Ka hung tho la ka tiah puan ka khuah , ka taw ka pir i ka bawk ṭhan.
Ka hawipa cu a hmai a van i phiah i inn cungah cun a hung kai.
A ka zoh i
thlacam mi ah a ka ruah i hna ka hnawh sual la ti ah thawngthei lo tein a hung
lut. Thuhboi pawl a hung i thuh hnu Breakfast eidin a timh lamh hnu ah ka tho
rih lo. A khuaruah a haar pah cang. Mah tikah ka puan cu a van ka hlim i ka rak i hngilh zuar ko. Aw thang nawn in “ Yaa… Maw He” a van ka ti cu ka lau durh i
ka ṭhang . Aw! Thawh maw zatcang tiah korea holh cun ka van chawnh . Aw hrang
nawn khin “ rian kan tlai cang la hi, tho zawkzawk” a van ka ti vial ah ka
phone cu ka van kau i zing Sml 8:20 si cang . Limalak ka ha ka tawl, ka hmai ka
phiah . Ka sahpiah hmanh thiang hlan ah ka hnawt cawlh. Breakfast ei lo in
riantuannak lei ahcun kan kal cawlh. Cutincun hmaw carang in chunni tlak rian
cu kan tuan. Khuasik caan ahcun breakfast hi ka eita hmanh bal lo. Breakfast
ulh zong hi rawl ulh pakhat a si tiah bus chung ah thla ka cam tawm. Zingchir
rawl ulh thlacamnak ka ngei peng tinak si.
Zaanlei cun rian in kan hung ṭin. Ka hawipa cu kolh
a tim . A thilsuk ding le sapiat hna a kawl pah khin na kolh la lo maw? A van ka ti. “ aw.. ka kholh ko lai, va
khawlh hmasa law tilum a rat le rat lo rak
ka chim teh” tiah ka leh. Korea ram cu inn pohpoh ah tilum le tikik hi a
ra dih. Ka hawipa nihcun “ nichiar na ka hal. Kan ram ah tilum a pit ti um lo a
ra peng” tiah a van ka sik chih. “ Va kal zir ko , na holh tamtuk” ka ti pah
cun kholhnak lei ahcun a kal.
Aa kholh dih cun “ Khah va kholh cang” tiah a van ka
ti. “ Tilum cu a ra maw?” ka hei ti . A
ingpuang pah i si lai dah, “ A ra , a lumṭhat ning sautuk na kholh ahcun an
taksa zong a hmin dih lai? . Tlawmpal a hung rauh cun “ na kholh rih lo maw?” .
“ Aw! Hi tuni ka ba deoh i khawlh lo in ka it lai” ka ti. “ Aw!
Nang mah nawl” a ka ticun a dai.
Korea khuasik thla cu a kik tuk lawmman i khualumnak
ram ummi caah cun a fawi lo. Zarhkhat ah ni thum hrawng lawng ka kholh tawn.
Thilthlen zong ka zuam tawn lo i riantuannak thil he ka ih caan zong a tam . Sam
nih mi a lumter an ti rua ka sam riam ka siang bal lo. Ka hmur hmul zong ka
riam theng lo. Cutincun khua ka satawn. Kam khatlei ahcun sam riam man le hmur hmul riamnak cawkman phaisa ka tetta ka hei pah heeee
Hmuh a ka duhmi cu video in call khawh ka si. Nungak
hi papek deoh nan si lai ….:p . Khuasik thla a hung chuak cang i khuasik thla kong lenhloi pakhat relnuam ah ka tial sawh mi si .
0 comments:
Post a Comment